Ніл Сымонавіч Гілевіч нарадзіўся ў вёсцы Слабада Лагойскага раёна Мінскай вобласці 30 верасня 1931 года ў сялянскай сям’і. Там прайшлі яго дзіцячыя і падлеткавыя гады, тры з якіх выпалі на час нямецкай акупацыі.
Першыя гады пасля 2-ой сусветнай вайны
працаваў калгасным паштальёнам. У 1951 скончыў Мінскае педагагічнае вучылішча.
Апошні год вучобы спалучаў з працай настаўніка ў адной са школ Мінска. Член СП
СССР (з 1954). Скончыў філалагічны факультэт БДУ (1956), пасля аспірантуру пры
ім. Кандыдат філалагічных навук (1963), прафесар (1978). З 1960 па 1986 -
супрацоўнік кафедры беларускай літаратуры гэтага універсітэта. З 1958 да 1963
працаваў таксама літкансультантам газеты "Звязда". Быў рэдактарам
альманаху замежнай літаратуры «Далягляды». У 1980 годзе яму прысвоена ганаровае
званне заслужанага дзеяча навукі. З 1980 да 1989 - першы сакратар праўлення СП
БССР, у 1981-1991 сакратар праўлення СП СССР. У 1989-1997 - старшыня
рэспубліканскага Таварыства беларускай мовы імя Ф. Скарыны. Галоўны рэдактар
бюлетэня ТБМ "Наша слова". Дэпутат ВС БССР XI склікання (1985 –
1990), быў кіраўніком працоўнай групы па падрыхтоўцы праекту Закона Беларускай
ССР аб мовах у Беларускай ССР, прынятага 26 студзеня 1990 г. на 14-й сесіі
Вярхоўнага Савета БССР XI склікання. Дэпутат ВС Беларусі XII склікання (1990 –
1995), член Прэзідыума ВС, старшыня Камісіі па адукацыі, культуры і захаванню
гістарычнай спадчыны (1990 – 1995).
Творчасць Ніла Гілевіча добра вядомая шырокай
грамадскасці рэспублікі і далёка за межамі краіны. Прырода шчодра надзяліла яго
шматгранным талентам: паэт-лірык, сатырык і публіцыст, драматург, палымяны
прамоўца, грамадскі дзеяч, асветнік, вучоны, фалькларыст, перакладчык.
Узнагароджаны ордэнамі Працоўнага Чырвонага
Сцяга (1984), Дружбы народаў (1981), медалём Францыска Скарыны (1990),
балгарскім ордэнам Кірыла і Мяфодзія I ступені (Балгарыя, 1966), ордэнам
«Югаслаўскай зоркі» са стужкай (1986), ордэнам князя Яраслава Мудрага III
ступені (2006; уручаны міністрам замежных спраў Украіны Барысам Тарасюком па
даручэнні прэзідэнта Украіны). Лаўрэат Дзяржаўнай прэміі БССР імя Янкі Купалы
(1980) за кнігу паэзіі "У добрай згодзе" і перакладчыцкую дзейнасць і
Міжнароднай прэміі імя Х. Боцева (1986) за рэвалюцыйную паэзію і публіцыстыку.
Крыніца:
http://gilevich.ru/content/biyagrafiya-nil-gilevicha
Да гэтай знамянальнай даты ў гарадской
бібліятэкі №2 арганізавана юбілейная выстава “Ніл Гілевіч-пісьменнік
універсальнага таленту”. Чытачы маюць магчымасць бліжэй пазнаёміцца з творчасцю
пісьменніка, якая ярка выяўляе яго сыноўнюю любоў да роднай мовы, яго
грамадзянскую заклапочанасць яе лёсам. На выставе можна знайсці таксама творы
на лірычную, гумарыстычную і сатырычную
тэматыку. Выстава разлічана на шырокае кола чытачоў.